Contact Information

Main Street, Colombo, Sri Lanka

We are available 24/7. Call Now

අනෙකුත් මහ බැංකු අධිපතිවරුන්ට විශ්‍රාම වැටුප් ලබා දෙන ලෙස කිසිදු අයුරකින් බලපෑමක් හෝ ඉල්ලීමක් කිසි විටක තමා සිදු කර නැතැයි මුදල් හා ප්‍රාග්ධන වෙළෙඳපොළ සහ රාජ්‍ය ව්‍යවසාය ප්‍රතිසංස්කරණ රාජ්‍ය අමාත්‍ය අජිත් නිවාඩ් කබ්රාල් මහතා පවසයි.

සිය ෆේස්බුක් ගිණුමේ සටහනක් තබමින් ඔහු මේ බව සඳහන් කර ඇත.

හිටපු සියලු ම මහ බැංකු අධිපතිවරුන්ට හිඟ මුදල් ද ඇතුළුව විශ්‍රාම වැටුප් ලබා දීමට රාජ්‍ය අමාත්‍ය අජිත් නිවාඩ් කබ්රාල් මහතා උත්සාහ කරන බවට පළ වූ මාධ්‍ය වාර්තාවක් සම්බන්ධයෙන් අදහස් දක්වමින් අමාත්‍යවරයා මෙම පැහැදිලි කිරීම සිදු කර තිබේ.

අමාත්‍යවරයා එහි සඳහන් කර ඇත්තේ, තමන් මහ බැංකු අධිපති වශයෙන් 2006 වසරේ සිට 2015 වසර දක්වා අවුරුදු අටකට අධික කාලයක් සේවය කළ බවත් තමන්ගේ පත්වීම් ලිපියට අනුව විශ්‍රාම වැටුපකට තමන්ට හිමිකමක් ඇති බවත් ය.

ඒ අනුව, තමන් මහ බැංකුවෙන් ඉවත්වී අවුරුදු 4කට පසුව ද කිසිදු විශ්‍රාම වැටුපක් තමන් වෙත ලබා දී නොතිබුණු බැවින්, ඒ සම්බන්ධයෙන් 2019 වසරේ එවකට මහ බැංකු අධිපති ආචාර්ය ඉන්ද්‍රජිත් කුමාරස්වාමිට දැනුම් දුන් බව අමාත්‍යවරයා එහි සඳහන් කර ඇත.

කෙසේ වෙතත්, අනෙකුත් මහ බැංකු අධිපතිවරුන්ට විශ්‍රාම වැටුප් ලබා දෙන ලෙස කිසිදු අයුරකින් බලපෑමක් හෝ ඉල්ලීමක් කිසිවිටක තමන් සිදු කර නොමැති බව ඔහු සිය සටහනේ වැඩිදුරටත් සඳහන් කර තිබේ.

මේ අතර, මෙම ඉල්ලීම අනුව හිටපු සියලු මහ බැංකු අධිපතිවරුන්ට විශ්‍රාම වැටුප් හිමිවිය හැකි අතර හිටපු මහ බැංකු අධිපති අර්ජුන මහේන්ද්‍රන්ට ද එම ප්‍රතිලාභය ලබා ගැනීමේ හැකියාව තිබේ.

කෙසේ වෙතත්, මහ බැංකු බැඳුම්කර වංචාව සම්බන්ධයෙන් චෝදනා ලබා සිටින ඔහු මේ වන විට ශ්‍රී ලංකාවේ අධිකරණය මග හරිමින් සිංගප්පූරුවට පළා ගොස් ඇත.

Sharing is caring!

1 Comment

  • Ampare Somasiri, 2021-09-06 @ 7:21 PM Reply

    Government should first appoint a commission to estimate the loss the country incurred because of this fellow on the following deals he is responsible as the governor:
    1) Greek bond investment
    2) Hedging deal
    3) Hiring a Pakistan crook to promote Sri Lanka immage
    4) Investment of EPF money
    After recovering the what the cpountry lost ,if there is a balance a pension can be paid to this fellow

Leave a Reply

Your email address will not be published. Required fields are marked *