Contact Information

Main Street, Colombo, Sri Lanka

We are available 24/7. Call Now

ලංකා ප්‍රිමියර් ලීග් ක්‍රිකට් තරගාවලියට සුපිරි ආරම්භයක් ලබා දෙමින් තරගාවලියේ පළමු තරගයෙන් සුපිරි පන්දුවාරයේ ජයක් වාර්තා කිරීමට කලම්බු කිංග්ස් කණ්ඩායම සමත් වුණා.

හම්බන්තොට පැවැති තරගයේ දී ඔවුන් හමුවේ පරාජයට පත් වූයේ කැන්ඩි ටස්කර්ස් කණ්ඩායමයි.

තරගයේ කාසියේ වාසිය දිනූ කොළඹ කණ්ඩායම පළමුවෙන් පන්දු යැවීමටයි තීරණය කළේ.

ඒ අනුව කැන්ඩි ටස්කර්ස් කණ්ඩායම පන්දුවාර 20 තුළ කඩුලු 3ක් දැවී ලකුණු 219ක් රැස් කිරීමට සමත් වූ අතර, ඉනිමේ පළමු කඩුල්ලට පන්දුවාර 5.4ක් තුළ ලකුණු 75ක වේගවත් සබදතාවයක් ගොඩ නැගීමට නායක කුසල් ජනිත් සහ 19 හැවිරිදි රහ්මනුල්ලාහ් ගුර්බාස් සමත් වුණා.

ගුර්බාස් පන්දු 22කින් ලකුණු 53ක් රැස් කළේ හයේ පහර 4ක් සහ හතරේ පහර 6ක් සමගින්.

නායක කුසල් ජනිත් පන්දු 52කින් ලකුණු 87ක් ලබා ගත්තා. (6×4, 4×9)

Image Credits : SLC

අසේල ගුණරත්න නොදැවී ලකුණු 33ක් සහ කුසල් මෙන්ඩිස් ලකුණු 30ක් ලබා ගනිමින් මහනුවර ඉනිම ශක්තිමත් කළා.

පන්දු යැවීමේ දී මන්ප්‍රීට් ගෝනි, දුෂ්මන්ත චමීර සහ කායිස් අහ්මඩ් එක් කඩුල්ල බැගින් බිඳ හෙලුවා.

පිළිතුරු ඉනිම ක්‍රීඩා කළ කලම්බු කිංග්ස් කණ්ඩායම ද පන්දුවාර 20 තුළ කඩුලු 7ක් දැවී ලබා ගත්තේ ලකුණු 219ක් පමණයි.

ඉනිමට ප්‍රබල ආරම්භයක් ලබා දුන් දිනේෂ් චන්දිමාල් පන්දු 46කින් ලකුණු 80ක් රැස් කළේ හයේ පහර 2ක් සහ හතරේ පහර 12ක් සිය ඉනිමට එක් කරමින්.

Image Credits : SLC

සුපිරි පිතිකරු ඇන්ඩ්‍රි රසල් ලකුණු 24කට දැවී ගිය අතර, අනතුරුව ඉසුරු උදාන පන්දු 12ක් තුළ හයේ පහර 4ක් සමගින් නොදැවී ලකුණු 34ක් රැස් කරමින් තරගයේ ලකුණු සංඛ්‍යාව සම තත්ත්වයට රැගෙන යාමට සමත් වුණා.

පන්දු යැවීමේ දී නුවන් ප්‍රදීප් සහ නවීන් උල් හක් කඩුලු 2 බැගින් බිද හෙලුවා.

මහනුවර කණ්ඩායමේ ඉර්ෆාන් පතාන් පන්දුවාර 1යි පන්දු 5ක් පමණක් යැවීමෙන් අනතුරුව පාදයක ඇති වූ ආබාධයක් හේතුවෙන් පිටියෙන් ඉවත් වුණා.

තරගයේ ලකුණු සමවීම හේතුවෙන් ජයග්‍රාහකයා තේරීම සදහා ලබා දුන් සුපිරි පන්දුවාරයේ දී පළමුව පන්දුවට පහරදුන් කොළඹ කණ්ඩායම එක් කඩුල්ලක් දැවී ලකුණු 16ක් ලබා ගත්තා.

පිළිතුරු ඉනිම ක්‍රීඩා කළ මහනුවර කණ්ඩායමට ලබා ගත හැකි වූයේ ලකුණු 12ක් පමණයි.

ඉසුරු උදාන විසින් යවනු ලැබූ එම පන්දුවාරයේ සිව්වන පන්දුව වයිඩ් පන්දුවක් වුවද විනිසුරු විසින් එය වයිඩ් පන්දුවක් ලෙස සලකුණු නොකිරීම තරගයේ තීරණයට බෙහෙවින් බලපානු ලැබුවා.

Kandy Tuskers 219/2 (20 Ov, RR: 10.95)

කුසල් පෙරේරා – පන්දු 52 කින් ලකුණු 87
රහ්මනුල්ලාහ් ගුර්බාස් – පන්දු 22 කින් ලකුණු 53
අසේල ගුණරත්න – පන්දු 20 කින් ලකුණු 33*
කුසල් මෙන්ඩිස් – පන්දු 24 කින් ලකුණු 30
නුවන් ප්‍රදීප් 2 / 34
නවින් උල් හක් 2 / 40
සීක්කුගෙ ප්‍රසන්න 1 / 6
අසේල ගුණරත්න 1 / 49
Colombo Kings 219/7 (20 Ov, RR: 10.95)

දිනේෂ් චන්දිමාල් – පන්දු 46 කින් ලකුණු 80
ඉසුරු උදාන – පන්දු 12 කින් ලකුණු 34*
ඇන්ඩ්‍රි රසෙල් – පන්දු 13 කින් ලකුණු  24
ලෝරි එවන්ස් – පන්දු 14 කින් ලකුණු  22
ක්වයිස් අහමඩ්  1 / 28
මන්ප්‍රිටි ගෝනි 1 / 42
දුෂ්මන්ත චමීර 1 / 58

පළමු තරගය : කැන්ඩි ටස්කර්ස් සහ කලම්බු කිංග්ස්

කාසියේ වාසිය : කලම්බු කින්ග්ස් කණ්ඩායම. පළමුව පන්දු යැවීමට තීරණය කරයි.

තරඟයේ වීරයා : දිනේෂ් චන්දිමාල්

සුදිප විදුනුවන් / ශාෂිංක විදුසර

Share:

Leave a Reply

Your email address will not be published. Required fields are marked *