Contact Information

Main Street, Colombo, Sri Lanka

We are available 24/7. Call Now

අද දිනයේදී මෙරටින් කොවිඩ් ආසාදිතයින් 770 දෙනෙකු සහ එක් පුද්ගල මරණයක් වාර්තා වී ඇති බව කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය නිවේදනය කර සිටිනවා. ඒ අනුව මෙරට සමස්ත කොවිඩ් ආසාදිතයින් සංඛ්‍යාව 55,189 ක් සමස්ත මරණ සංඛ්‍යාව 274ක් දක්වා ඉහළ ගොස් තිබෙනවා.

අද දිනය වන විට මිනුවන්ගොඩ සහ පෑලියගොඩ ආශ්‍රිතව ව්‍යාප්තිය ආරම්භ වූ දෙවන කොවිඩ් රැල්ලෙන් වාර්තා වන සමස්ත රෝගීන් සංඛ්‍යාව 51,329ක් දක්වා ඉහළ ගොස් ඇත.

මෙරට වෛරසය ආසාදනය වූ පුද්ගලයින් 7,700 දෙනෙකු රෝහල් ගතව ප්‍රතිකාර ලබන අතර ඉන් 25 දෙනෙකු දැඩි සත්කාර ඒකකයේ පසුවනවා. සුවය ලබා නිවෙස් වෙත ගොස් ඇති රෝගීන් සංඛ්‍යාව 47,215ක්.

අද දිනයේ වාර්තා වූ කොරෝනා ආසාදිතයින් ගෙන් 10 දෙනෙකු කොළඹ පිටකොටුව ප්‍රදේශයේ දී සිදුකළ ඇන්ටිජන් පරීක්ෂාවකින් සොයා ගෙන ඇත. ඊට අමතරව නාවලපිටිය, පස්භාගේ ප්‍රදේශයෙන් කොවිඩ් ආසාදිතයින් 20ක් සහ වව්නියාව නගරයෙන් ආසාදිතයින් 26 දෙනෙකු හඳුනා ගෙන ඇති බවයි කොවිඩ් -19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය නිවෙදනය කර සිටියේ.

මේ අතර 274වන කොවිඩ් මරණය වාර්තා වූ බව සෞඛ්‍ය සේවා අධ්‍යක්ෂ ජනරාල්වරයා මීට සුළු වේලාවකට පෙර නිවේදනය කළේය.

එලෙස මියගොස් ඇත්තේ 53 හැවිරිදි මැල්ලවගෙදර ප්‍රදේශයේ පදිංවිව සිටි කාන්තාවකි.

මීගමුව දිස්ත්‍රික් මහ රෝහලේ ප්‍රතිකාර ලබමින් සිටින අතර කොවිඩ්-19 ආසාදිතයෙකු ලෙස හඳුනා ගැනීමෙන් පසු ජාතික බෝවන රෝග විද්‍යා ආයතනයට මාරුකර යවා ඇති අතර එම රෝහලේදී අද (20) මියගොස් ඇත.

මරණයට හේතුව ලෙස දැක්වෙන්නේ කොවිඩ් නියුමෝනියාව නිසා ඇතිවූ ලේ විෂවීමේ කම්පනය සහ උග්‍ර දිවැඩියාව බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා වැඩිදුරටත් පැවසීය.

Share:

Leave a Reply

Your email address will not be published. Required fields are marked *