Contact Information

Main Street, Colombo, Sri Lanka

We are available 24/7. Call Now

ඊශ්‍රායලය සහ පලස්තීනය අතර ගැටුම් අවසන් කරමින් හමාස් සංවිධානය සමග ඊශ්‍රායලය සටන් විරාමයකට පැමිණීමේ සතුට සමරමින් ගාසා වැසියෝ ඊයේ අලුයම 2.00ට පමණ වීදිවලට පැමිණ “දෙවියන්ට ස්තූති වේවා” යනුවෙන් පවසමින් ප්‍රීතිඝෝෂා පැවැත් වූ බව විදෙස් වාර්තා පවසනවා.

රාමසාන් උපවාසයේ අවසානය සනිටුහන් කරන ප්‍රීතිමත් මුස්ලිම් මංගල්‍යයක් වන ඊද් අල්-ෆිතර් සැමරීමට පසුගිය සතියේදී ඔවුන්ට අවස්ථාව අහිමි වූයේ ද මෙම ගැටුම්කාරී තත්ත්වය නිසායි.

පලස්තීන ජාතිකයන් රැසකට ජීවිත අහිමි කළ, ගොඩනැගිල් රැසක් අලු දුහුවිලිවලට පත්කළ ගැටුමේ අවසානය දැකීමෙන් ප්‍රිතියට පත් ඔවුහු,”දෙවියන් ශ්‍රේෂ්ඨයි, දෙවියන්ට ස්තුති වේවා” යනුවෙන් අරාබි බසින් කෑ ගැසුවා.

මෙම පුවතත් සමග මෝටර් රථවලින් ගාසා තීරයේ ප්‍රධාන වීදි පිරී ගිය අතර, රියදුරන් වාහන නළා හඬවමින්ද, ඇතැම් අය ජනේලයන්ගෙන් තුළින් පිටතට පැමිණ පලස්තීන ධජ අතින් රැගෙන ගමන් කරන ආකාරයක් දැකිය හැකි වුණා.

මේ අතර මුස්ලිම් පල්ලියේ ශබ්ද විකාශන යන්ත්‍ර ක්‍රියාත්මක වෙමින්, “ජෙරුසලම අත්පත්කර ගැනීමට එරෙහිව සටනේදී ජෙරුසලමේ අසිපත් ජයගත්තා” යනුවෙන් ප්‍රශංසා කර ඇති අතර වීදිවල සැරිසැරූ ඇතමුන් ගිනිඅවි අතැතිව අහසට වෙඩි තැබූ අතර, තවත් අය රතිඤ්ඤා දන්වමින් සතුට සමරා තිබෙනවා.

Sharing is caring!

Leave a Reply

Your email address will not be published. Required fields are marked *