Contact Information

Main Street, Colombo, Sri Lanka

We are available 24/7. Call Now

බොහෝ දෙනාගේ අවධානය දිනා ගනිමින් පැවැත්වෙන “ලංකා ප්‍රිමියර් ලීග්” පන්දුවාර විස්සයි-20 ක්‍රිකට් තරගාවලිය යටතේ කැන්ඩි ටස්කර්ස් පිලට එරෙහිව පැවැති තරගයේදී ආබාධයකට ලක් වුණු දඹුල්ල වයිකිංග්ස් කණ්ඩායමේ ආරම්භක පිතිකරු ඕෂද ප්‍රනාන්දුට එම්.ආර්.අයි. පරීක්ෂණයකට යොමු කිරිමට එම කණ්ඩායම් කළමනාකාරීත්වය පියවර ගෙන තිබේ.

එම තරගයේ පන්දුවට පහර දෙමින් සිටි අතරතුරදී ලකුණක් සඳහා පැති මාරු කර ගැනීමට කරන ලද උත්සාහයේදී පාදය ලිස්සා ඇද වැටීම මත වෛද්‍ය අංශ වල සහයෝගයෙන් පිටියෙන් ඉවත්ව ගියේය. දඹුල්ල වයිකිංග්ස් කණ්ඩායමේ තෙවැනි පන්දුවාරය ක්‍රියාත්මක වෙමින් පැවැති අවස්ථාවේදී ඕෂද මෙම අවාසනාවන්ත ඉරණමට මුහුණ දුන්නේය. ගාල්ලේ පිහිටි පෞද්ගලික රෝහලකින් එම්.ආර්.අයි. ස්කෑන් පරීක්ෂණයට මුහුණ දුන් ඕෂද මේ වන විට කණ්ඩායම නවාතැන් ගෙන සිටින හම්බන්තොට ෂැන්ග්‍රිලා හෝටල් පරිශ්‍රය වෙත පැමිණ සිටියි.

පන්දුවට පහර දුන් අනතයේ සිට ප්‍රතිවිරුද්ධ අන්තය වෙත ලකුණක් ලබා ගැනීමේදී කරන ලද උත්සාහයේදී ඔහු පාදයේ ආබාධයට මුහුණ දුන් නමුත් එම පරීක්ෂණ වාර්තාව පැමිණෙන තෙක් ඔහුගේ තත්ත්වය පිළිබඳව ප්‍රකාශයක් නිකුත් කිරීම එම කණ්ඩායම් මාධ්‍ය කලමනාකරු ලෙසින් කටයුතු කරන රොස්කෝ තටිල් මහතා ප්‍රතික්ෂේප කර සිටියේය.

Image Source : SLC

ලංකා ප්‍රිමියර් ලීග් තරගාවලිය අවසන් වත්ම ශ්‍රී ලංකා ක්‍රිකට් කණ්ඩායම දෙසැම්බර් 17 වැනිදා ටෙස්ට් තරග සංචාරයක් සඳහා දකුණු අප්‍රිකාව බලා පිටත්ව යෑමට නියමිත අතර ඒ සඳහා පිටත්ව යන ක්‍රීඩකයින් 22 දෙනාගේ සංචිතයට ඕෂධ ද ඇතුළත්ව සිටිති. ඉකුත් 2019 වසරේ පැවැති ශ්‍රී ලංකා කණ්ඩායමේ දකුණු අප්‍රිකානු සංචාරයේදී මංගල ටෙස්ට් වරම් දිනා ගන්නා ලද ඕෂධ එම තරගාවලියේදී පිතිකරුවකු ලෙසින් කැපී පෙනෙන දක්ෂතා දැක්වීමට සමත්විය.

එම තරගාවලිය ශ්‍රී ලංකාව 2-0 ක් ලෙස දකුණු අප්‍රිකානු පිල ඔවුන්ගේ නිජ බිමේදීම පරාජය කිරීමට සමත්වූයේ එවැනි දස්කමක් ආසියාවෙන් කළ පළමු කණ්ඩායමට බවට පත් වෙමිනි.

Share:

Leave a Reply

Your email address will not be published. Required fields are marked *