Contact Information

Main Street, Colombo, Sri Lanka

We are available 24/7. Call Now

පුද්ගලයින් 37 දෙදෙනෙකු කොරෝනා ආසාදිතයින් බව තහවුරුවීම මත අත්තනගල්ල සහ මීරිගම ප්‍රාදේශීය ලේකම් කොට්ඨාස 02ට අයත් මාලිගාතැන්න, කූරිකොටුව සහ එළුවාපිටිය යන ග්‍රාමයෙන් 03 අද (11) වසා දමමින් අධි ආරක්ෂක කලාපයක් බවට පත්කිරීමට පියවර ගත් බව ගම්පහ දිසාපති සුනිල් ජයලත් සඳහන් කර සිටිනවා.

මේ අනුව එම ප්‍රදේශයන්ට ඇතුළුවීම සහ පිටවීම තහනම් කර ඇති බවත් එම ප්‍රදේශයන්ට පිටස්තර කිසිවෙකුටත් පැමිණීමට නොහැකි වන ලෙසින් මාර්ග බාධක යෙදීමට ආරක්ෂක අංශ අවශ්‍ය පියවර ගෙන ඇති බවත් දිසාපතිවරයා සදහන් කර සිටියා.

මාලිගාතැන්න, කූරිකොටුව සහ එලුවාපිටිය යන ප්‍රදේශයන්හි ග්‍රාම නිලධාරී වසම් 07 ක් මෙලෙස වසා දැමීමට පියවර ගෙන ඇති බැවින් එම ප්‍රදේශයන්හි වෙසෙන පවුල් 3688කට අයත් සාමාජිකයන් 12,600 ක් පමණ වන පිරිසකගේ අවශ්‍යතා සපුරාලීමට අදාල ප්‍රාදේශීය ලේකම්වරුන් සහ පළාත් පාලන ආයතන මගින් පියවර ගනිමින් සිටින බවත් දිසාපතිවරයා සඳහන් කර සිටියි.

එලුවාපිටිය ප්‍රදේශයේ විහාරස්ථානයක හිමිවරුන් සිව්නමකට සහ ගිහි පුද්ගලයෙකුටද වෛරසය ආසාදනය වී ඇතිබව තහවුරු වී ඇති අතර එම විහාරස්ථානයේ දී 05 වසර ශිෂ්‍යත්වයට පෙනී සිටි සිසු දරුවන් පිරිසක් වෙනුවෙන් ඊයේ (10) බෝධි පූජා පවත්වා ඇති බව ද ප්‍රදේශවාසීන් සඳහන් කරයි.

පෙරවරුවේ සිටම එළුවාපිටිය ප්‍රදේශයේ මාර්ග බාධක යෙදූ පොලිසිය පුද්ගලයින් ඇතුළු වීම සහ පිටවීම ශිෂ්‍යත්ව විභාගයට පෙනී සිටින දරුවන්ට හා දෙමාපියන්ට පමණක් සීමා කිරීමට කටයුතු කරනු ලැබීය.

මෙම ප්‍රදේශයේ ආරක්ෂක කටයුතු යුද හමුදාව යටතට පත් කිරීමට නියමිතය.

පුෂ්පකුමාර මල්ලවආරච්චි සහ තිලකරත්න දිසානායක

Sharing is caring!

Leave a Reply

Your email address will not be published. Required fields are marked *