Contact Information

Main Street, Colombo, Sri Lanka

We are available 24/7. Call Now
cdc4fbe93290fe806c436364890a7dc43977145b
දින 14ක් බොහොම සාර්ථකව අවසන් කළ ඔවුන් නැවතත් IDH රෝහලින් පිටවෙලා
කොරෝනා එක්ක සටන් කරන්න ඔවුන් දෙපාරක් හිත හිත හිටියේ නෑ.

ලංකාව පුරා කොවිඩ් 19 වෛරස් ව්‍යාප්තියත් එක්ක එන්න එන්නම අසාදිත රෝගීන් වැඩි වෙද්දී වෛද්‍යවරුන්, හෙදියන් ඇතුළු සෞඛ්‍ය සේවයේ සාමාජිකයින්ගේ කාර්යබහුලත්වයත් එන්න එන්නම වැඩි වුණා.
මේ විදිහට ටිකෙන් ටික ඔවුන් කරපිටට පැටවුණ වගකීම කිසිම පැකිලීමකින් තොරව භාර අරගෙන තමන්ගේ ජීවිතය ගැනවත් හිතන්නේ නැතුව රෝගීන්ගේ ජීවිත වෙනුවෙන් කොරෝනා එක්ක සටන් කරන්න ඔවුන් දෙපාරක් හිත හිත හිටියේ නෑ.
මේ කොරෝනා වගකීමේ ලොකු වැඩ කොටසක් පැවරුණේ අංගොඩ උණ රෝහලට. අපිට පුරුදු විදිහට කියනවනම් IDH රෝහලට. 
මේ වෙද්දී IDH රෝහලට ඇතුළත් කෙරුණු කොරෝනා ආසාදිතයින් සැලකිවයුතු ප්‍රමාණයක් සම්පූර්ණ සුවය ලබා පිටව ගොස් හමාරයි. එහි සම්පූර්ණ ගෞරවය වෛද්‍යවරුන්, හෙදියන් ඇතුළු IDH කාර්ය මණ්ඩල සාමාජිකයන්ට හිමිවිය යුතුයි. 
මේ අතරේ එන්න එන්නම අසාදිත රෝගීන් වැඩිවීමත් එක්ක විවිධ රෝහල්වලින් හෙද කාර්ය මණ්ඩල IDH රෝහල වෙත පිටත් කර හැරුණේ ඔවුන්ටත් මේ වගකීමේ කොටසක් පවරමින්.
ඒ අනුව කොළඹ ජාතික රෝහලේ 15 දෙනෙකුගෙන් යුත් හෙද කණ්ඩායමක් මීට දින 14කට පෙර IDH රෝහල වෙත යැවුනේ ඒ තීරණයත් සමගින්. කිසිවිටකත් ඒ යෝජනාවට මැලි නොවුණු මේ හෙද පිරිස වගකීම කරට අරගෙන IDH රෝහලේ ප්‍රතිකාර ලබපු කොරෝනා ආසාදිතයන්ට හැකි උපරිමයෙන් සාත්තු කලේ තමන්ගේ ජීවිතය ගැනවත් නොසිතමින්. කිසිවිටකත් ඔවුන් ඒ වෙනුවෙන් අමතර වැටුපක් බලාපොරොත්තු වී නැහැ.
කොහොම වුනත් දින 14ක් බොහොම සාර්ථකව අවසන් කළ ඔවුන් නැවතත් අද IDH රෝහලින් පිටවෙලා කොළඹ ජාතික රෝහලට ඇවිල්ලා තිබුනා. මුළු රටම ලොකු ව්‍යවසනයකට මුහුණ දීලා ඉන්න මේ වෙලාවේ නෑ බෑ කියන්නේ නැතුව රටේ වගකීම කරට ගත්ත මේ හෙද නිළධාරී කණ්ඩායමට හැමෝගෙන්ම පැසසුම් හිමිවුණා. හැමෝම ඔවුන්ට ස්තුති කළා. හැමෝම ඔවුන්ට සුබ පැතුවා. මේ අතරේ කොළඹ ජාතික රෝහල දවස් 14කට පස්සේ තමන්ගේ වීර කණ්ඩායම පිළිගත්තේ මෙන්න මෙහෙමයි. 
රිද්මි පතිරණ
3d5b023b269ecb7772dfdff090fe53dc4de9c7ff
8f76d85ef3b475934ba50b35bc98f130a32baec3
9fe275c381a25370df3f12490f3232dc3af9ee9c
65936beb173f7cac5044450c8da97878b83659c3
cdc4fbe93290fe806c436364890a7dc43977145b
d3cbfab9405eefe5efc3cadc5f54dae8b508f0ee
e52de8c3f721a4d2fad5ae6145d3dbc62e2e7546
f48e78a128175521211c7fbbc5961ad47a08af1c

Leave a Reply

Your email address will not be published.