Contact Information

Main Street, Colombo, Sri Lanka

We are available 24/7. Call Now

අධික වර්ෂාව හේතුවෙන් ගම්පහ දිස්ත්‍රික්කයේ පවුල් 3988 ක සාමාජිකයන් 16,926 ක් මේ වන විට පීඩාවට පත්වී ඇතැයි ගම්පහ දිස්ත්‍රික් ආපදා කළමනාකරණ මධ්‍යස්ථානයේ සහකාර ආපදා කළමනාකරණ අධ්‍යක්ෂක අජිත් නිශාන්ත පවසයි  .

වැසි ජලය බැස නොයා එක්රැස් වීම නිසා සහ කාණු පද්ධති උතුරා යාම පහත් බිම් ජලයෙන් යටවීමෙන්  වැසි ජලය පිටාර ගලා යෑමෙන් මෙම නිවාස ජලයෙන් යට වී ඇතැයිද අජිත් නිශාන්ත කියා සිටී  .

පීඩාවට පත්  පවුල් වල සාමාජිකයින් තවමත් එම නිවෙස් තුළ රැඳී සිටින අතර ඉදිරි තත්ත්වය අනුව    එම පිරිස් නිවාස වලින් ඉවත් කිරීමට කටයුතු කරන බව ද හෙතෙම පවසයි  .

මේ වනවිට  ගම්පහ දිස්ත්‍රික්කයේ ප්‍රධාන මාර්ග අතරින් ගම්පහ  ජා-ඇළ මාර්ගය කිරිඳිවිට ප්‍රදේශයෙන් සහ ගම්පහ ගනේමුල්ල මාර්ගයේ   කොටසක්ද ජලයෙන් යටවී  ඇත.

එමෙන්ම කළුතර වැලිපැන්නෙන් අලුත්ගම මතුගම මාර්ගය යටවී ඇත. මේ වනවිට කුකුළේ ගඟ වේල්ලේ  වාන් දොරටුවක්  තත්පරයට ඝණ අඩි 70ක් පිටවන ආකාරයට අද සවස 2.40ට විවෘත කර ඇත.

බුලත්සිංහල  මෝල්කාව මාර්ගය මෝල්කාවෙන් යට වී තිබේ. කුඩා වාහන ගමනාගමනයට බාධා පැමිණ ඇත.

කළුතර 

එමෙන්ම මේ වනවිට මදුරාවල, පානදුර බේරුවල සහ කළුතර ප්‍රාදේශීය ලේකම් කොට්ඨාසවලට නායෙ යෑම් අනතුරු  පිළිබඳ විමසිලි මත්වන ලෙස ජාතික ගොඩනැගිලි පර්යේෂණ ආයතනය දැනුම් දී ඇත.  අගලවත්ත. දොඩංගොඩ, මිල්ලෙනිය,    මතුගම බණ්ඩාරගම හොරණ ප්‍රාදේශීය ලේකම් කොට්ඨාස සඳහා නායෙ යෑමේ අවදානම් අනතුරු ඇඟවීම් නිකුත් කර  තිබේ.

ඉංගිරිය, වළල්ලාවිට, පාලින්දනුවර සහ බුලත්සිංහල ප්‍රාදේශීය ලේකම් කොට්ඨාසවලට   නායේ යෑමේ  රතු නිවේදන නිකුත්  ප්‍රාදේශීය ලේකම් හරහා අවදානම් සහිත ස්ථානව ජීවත්වන  පුද්ගලයින් භූමියෙන් ඉවත් කර ඇත.

කළුතර දිස්ත්‍රික්කයේ  ප්‍රාදේශීය ලේකම්  කොට්ඨාස 05ක  ග්‍රාම නිලධාරී වසම් 20ක පවුල් 85ක් පීඩාවට පත් වී සිටිති.

අර්ධ හා පාර්ශවීය හානි සහිත නිවාස 47ක් හා ව්‍යාපාරික ස්ථාන 06ක් පිළිබඳ වාර්තා වේ.

කොළඹ

කොළඹ දිස්ත්‍රක්කයේ දැනට  හෝමාගම ග්‍රාමසේව වසම් 10ක් පවුල් 120ක පුද්ගලයින් 400ක් ද .තිඹිරිගස්යාය ග්‍රාමනිලධාරී කොට්ඨාස 03ක්  පදිංචි පවුල් 185ක පුද්ගලයින් 742ක් ද, සීතාවක ග්‍රාමසේවා වසම් දෙකක පදිංචි පවුල් 10ක පුද්ගලයින් 47ක් ද පීඩාවට පත් වී සිටිති. කෝට්ට් ප්‍රදේශයේ නිවාස  42ක් යටවී  පුද්ගලයින් 142යි පීඩාවට පත් වී ඇත.

කොලොන්නාව ප්‍රාදේශීය ලේකම් කොට්ඨාසයේ නායෙ යෑම් අවදානම් තත්ත්වයක් නිසා පවුල් 05ක් පදිංචි ස්ථානවලින් ඉවත් කර ඇත.

පවතින්නේ ගංවතුර තත්ත්වයක් නොව, අධික වැසි ජලය ගලා යෑම අවහිර වීමෙන් ඇති වී තිබෙන තත්ත්වයක් බව ආපදාකළමනාකරණ මධ්‍යස්ථානය කියයි.

මේ වනවිට කොලොන්නාව මීතොටමුල්ල නාවික ක්‍රීඩාංගනයේ ක්‍රීඩාගාරය තුළ සහන කඳවුරක් පවත්වාගෙන යන බවත් මෙම සංඛ්‍යාලේඛණ සීඝ්‍රයෙන් වෙනස් විය හැකි බවත්  එම මධයස්ථානය කියයි.

Leave a Reply

Your email address will not be published. Required fields are marked *