Contact Information

Main Street, Colombo, Sri Lanka

We are available 24/7. Call Now

ගම්පහ දිස්ත්‍රික් මහ රෝහලෙහි ප්‍රාථමික දැඩි සත්කාර ඒකකයේ සේවය කරන සෞඛ්‍ය කාර්ය සහායකවරයෙකු කොරෝනා ආසාදිතයෙකු බව තහවුරු වී ඇතැයි එම රෝහල් ආරංචි මාර්ග සඳහන් කරනවා.

මිනුවන්ගොඩ ප්‍රදේශයේ පදිංචිකරුවෙකු වන මොහු මිනුවන්ගොඩ ඇගලුම් කම්හලෙහි සේවය කරන ආසාදිතයෙකුගේ ආශ්‍රිතයෙකු බව අනාවරණය වී තිබෙනවා.

මෙම සේවකයා ආසාදිතයෙකු බවට තහවුරු වීමෙන් පසුව රෝහලෙහි ප්‍රාථමික දැඩි සත්කාර ඒකකයේ ඔහු ඇසුරු කළ සෞඛ්‍ය කාර්ය සහායකයින් 7දෙනෙකු නිරෝධානය කිරීමටත් එම ඒකකයේ සේවයෙහි නිරත වෛද්‍යවරුන් 30 දෙනෙකු ඇතුළු කාර්ය මණ්ඩලයෙහි 70 දෙනෙකු පමණ දෙනා පී.සී.ආර් පරීක්ෂණයට ලක් කළ බවත් රෝහල් ප්‍රකාශකයෙක් පැවසුවා.

මේ අතර මීට පෙර මෙම රෝහලේ ළමා ප්‍රතිකාර ඒකකයෙහි සේවය කරමින් සිටි වෛද්‍යවරයෙකු කොරෝනා රෝග ආසාදිතයෙකු බවට තහවුරු වීම මත එම ඒකකයේ 17 දෙනෙකු නිරෝධානයට ලක් කිරීමට පියවර ගෙන ඇති අතර කාර්ය මණ්ඩලයේ පිරිසක් පී.සී.ආර් පරීක්ෂණයට ලක් කිරීමට පියවර ගෙන ඇති බවද එම ප්‍රකාශකයා සදහන් කළා.

ළමා ප්‍රතිකාර ඒකකයෙහි සේවය කරමින් සිටි එම වෛද්‍යවරයා මිනුවන්ගොඩ ඇගලුම් කම්හලෙහි සේවිකාවන් පිරිසකට පෞද්ගලිකව ප්‍රතිකාර ලබාදී ඇති අතර එම සේවිකාවක් කොරෝනා රෝග ආසාදිතයෙකු බවට තහවුරු වී තිබුණා.

Sharing is caring!

Leave a Reply

Your email address will not be published. Required fields are marked *