Contact Information

Main Street, Colombo, Sri Lanka

We are available 24/7. Call Now

දරුවන් නිවෙස්වලට සීමාවීම හේතුවෙන් යම් යම් මානසික රෝගී තත්ත්වයන්ට ගොදුරුවීමේ ඉහළ යෑමක් දක්නට ඇති බව රිජ්වේ ආර්යා ළමා රෝහලේ අධ්‍යක්ෂවරයා පවසයි.

එහි අධ්‍යක්ෂ වෛද්‍ය ජී. විජේසූරිය මහතා පෙන්වා දෙන්නේ ඒ හේතුවෙන් නිවෙස් තුළ දරුවන්ට සුදුසු පරිසරයක් ඇති කිරීමට දෙමව්පියන් වගබලා ගතයුතු බවය.

විවිධ මානසික තත්ත්වයන්ගෙන් දරුවන් මුදා ගැනීම සඳහා දරුවන්ව පාසල් වෙත යොමු කිරීම අත්‍යවශ්‍ය බවද වෛද්‍ය ජී. විජේසූරිය මහතා වැඩිදුරටත් සඳහන් කළේය.

පසුගිය කාලයේ අපිට දරුවන් ඉතා විශාල ප්‍රමාණයක් වාර්තා වුණා යම් යම් මානසික තත්ත්වයන්වලට ගොදුරු වෙලා. රෝහලට ආවා ප්‍රතිකාර ගන්න.

මේකට ප්‍රධාන වශයෙන් හේතු වෙලා තියෙන්නේ පාසල් යන්නේ නැති නිසා ගෙවල්වලට සීමාවෙලා ඇති වෙච්ච තත්ත්වයන්. ගෙදර පරිසරය තුළ දරුවන් හිරවෙලා සිටීම.

මේ දරුවන් දුරකථනවලට, අන්තර්ජාලවලට සහ වෙනත් ක්‍රීඩාවලට ඇබ්බැහි වෙලා මේ දරුවන් මානසිකව දුර්වල වෙලා තියෙන්නේ.

මේ තත්ත්වය තුළ එම දරුවන් නොයෙක් නොයෙන් අකටයුතුකම්වලට පෙළඹිලා. මානසික විකෘතිතාවය නිසා තමන්ගේ ජීවිතය හානිකර ගැනීමට පවා උත්සාහ කරපු අවස්ථා අපිට වාර්තා වුණා.

මේ තත්ත්වය වළක්වා ගැනීමේ හැකියාව තියෙන්නේ දෙමව්පියන්ට. ගෙදර පරිසරය දරුවන්ට හිතකාමී ලෙස පවත්වාගෙන යන්න.

දරුවන්ගේ එදිනෙදා ක්‍රියාකාරකම් හොඳින් නිරීක්ෂණය කරන්න.  ඒ වගේම දරුවන් පාසල් යැවීමට අවශ්‍ය පරිසරය ඇතිකිරීමේ වගකීම තියෙන්නෙත් දෙමව්පියන් අතේ.

එසේ නොවුනහොත් දරුවාගේ මානසික මට්ටම තවදුරටත් පිරිහීම සිදුවේවි.

ජනතාව කොවිඩ් පාලනය කරගත්තේ නැත්තම් දෙසැම්බර් මාසේ වෙනකොට තවදුරටත් පැතිරිලා නැවත රට වසා තැබීමේ තත්ත්වයක් ඇතිවෙයි.

Leave a Reply

Your email address will not be published.