Contact Information

Main Street, Colombo, Sri Lanka

We are available 24/7. Call Now

මෝස්තර නිරූපණ ශිල්පිනි පියුමි හංසමාලි සහ අත්අඩංගුවට ගෙන ඇප මුදාහැරි 13දෙනා නිරෝධායන මධ්‍යස්ථානයකට යොමු කර තිබේ.

පසුගිය 30 වැනිදා මධ්‍යම රාත්‍රීයේ කොළඹ තරු පහේ හෝටලයක දී නිරෝධායන රීතින් උල්ලංඝනය කරමින් ප්‍රවීණ රූපලාවන්‍ය ශිල්පි චන්දිම ජයසිංහ මහතාගේ උපන්දින සාදයට සහභාගි වු තවත් පුද්ගලයින් 07 දෙනෙකු කොටුව පොලීසිය විසින් අද අත්අඩංගුවට ගනු ලැබීය.

පසුව එම සිදුවීම සම්බන්ධයෙන් ඊයේ දින අත්අඩංගුවට ගනු ලැබු පුද්ගලයින් 06 දෙනාද ඇතුළුව මුළු පුද්ගලයින් පුද්ගලයින් 13 දෙනෙකු කොළඹ  ප්‍රධාන මහෙස්ත්‍රාත් අධිකරණයට ඉදිරිපත් කළේය.

එහිදි කොටුව පොලීසිය විසින් එම පුද්ගලයින් බන්ධනාගාර ගත කර නිරෝධායනයට යොමු කරන ලෙස ඉල්ලීමක් කළද, තමන්ට ඒ සඳහා බලතල නොමැති බව ප්‍රකාශ කළ කොළඹ අතිරේක මහෙස්ත්‍රාත් බණ්ඩාර නෙළුම්දෙනිය මහතා එක් අයෙකුට රුපියල් ලක්ෂයක ශරීර ඇපයක් මත මුදාහැරීමට නියම කළේය.  

කෙසේ වෙතත් එම පිරිස එක්වර සමාජයට මුදාහරීම උචිත නොවන බැවින් අධිකරණයෙන් ඇප හිමිවු පුද්ගලයින් 13 දෙනා සහ පියුමි හංසමාලි ඇතුළු පිරිස පස්සර නිරෝධායන මධ්‍යස්ථානය කරා යොමුකිරීමට කොටුව පොලීසිය පියවර ගත්තේය.

නිරෝධායනට රැගෙන යන අතරතුර නිරූපන ශිල්පි පියුමි හංසමාලි සිදුවීම සම්බන්ධයෙන් සිය ෆේස්බුක් ගිණුම තුළ සජීවිව අදහස් පළ කළේය.

මේ අතර සාදය සංවිධානය කළ චන්දිමාල් ජයසිංහ පසුගියදා පොලිසිය විසින් අත්අඩංගුවට ගෙන අධිකරණයට ඉදිරිපත් කිරීමෙන් පසු පිටව යාමේදි ඔහුගේ ජිප් රථය මාර්ග නීති උල්ලංඝනය කරමින් ධාවනය වී තිබීම හේතුවෙන් රථය පැදවු රියදුරු අද කෙසෙල්වත්ත පොලීසිය විසින් අත්අඩංගුවට ගැනුණි.

සැකකරු අධිකරණය හමුවට ඉදිරිපත් කිරීමෙන් අනතුරුව රු 12,500ක ඇප මත මුදාහරිනු ලැබීය.

මේ අතර නිරෝධායනයට යැවීම සහ අදාළ පිරිසගේ එක් අයෙකු අසනීප වීම හේතුවෙන් පියුමි හංසමාලි ඇති පිරිසක් සිය විරෝධතාව පල කරමින් සිටිනවා. අදාළ වීඩියෝව පහතින්,

මේ අතර පසුගියදා කුරුණෑගල පොලිස් පරිශ්‍රයේදි නිරෝධායන රීතින් උල්ලංඝනය කරමින් නගරාධිපතිවරයාගේ උපන්දින සැමරුමට සහභාගිවීම හේතුවෙන් ස්ථාන මාරු කළ සහකාර පොලිස් අධිකාරි සමන් දිසානායක මහතා අද කුරුණෑගල නගරයේ පිරිත් පැන් ඉසීමේ අවස්ථාවකට සහභාගි වී සිටියේය.

Sharing is caring!

Leave a Reply

Your email address will not be published. Required fields are marked *