Contact Information

Main Street, Colombo, Sri Lanka

We are available 24/7. Call Now

ඉන්දීය කණ්ඩායම සමග පැවැත්වෙන තරග 3කින් යුත් පන්දුවාර 20යි 20 ක්‍රිකට් තරගාවලිය තරග 1-1ක් ලෙස සම තත්ත්වයට ගෙන ඒමට ශ්‍රී ලංකාව අද(28) සමත් වුණා.

ඒ, දෙරට අතර පැවැති දෙවැනි 20යි 20 තරගයෙන් ශ්‍රී ලංකාව කඩුලු 4ක තියුණු ජයක් වාර්තා කිරීමත් සමගයි.

කොළඹ ආර්. ප්‍රේමදාස ක්‍රීඩාංගනයේ පැවැති තරගයේ පළමුව පන්දුවට පහරදුන් ඉන්දියාව කඩුලු 5ක් දැවී ලකුණු 132ක් රැස් කළා.

ශිකර් ධවාන් ලකුණු 40ක්, දෙව්දත් පඩික්කල් ලකුණු 29ක් හා රුටුරාජ් ගයික්වඩ් ලකුණු 21ක් ලබා ගත්තා.

පන්දු යැවීමේ දී අකිල ධනංජය කඩුලු 2ක් බිද හෙලූ අතර, දුෂ්මන්ත චමීර, වනිදු හසරංග හා දසුන් ශානක එක් කඩුල්ල බැගින් දවා ගත්තා.

පිළිතුරු ඉනිම ක්‍රීඩා කළ ශ්‍රී ලංකාව ඉනිම නිමා වීමට පන්දු 2ක් ඉතිරිව තිබියදී කඩුලු 6ක් දැවී ජයග්‍රාහී ඉලක්කය පසු කළා.

ධනංජය ද සිල්වා නොදැවී ලකුණු 40ක් ලබා ගනිමින් ශ්‍රී ලංකාව ජයග්‍රහනය කරා රැගෙන ගිය අතර, මිනෝද් භානුක ලකුණු 36යි.වනිදු හසරංග ලකුණු 15ක් හා චාමික කරුණාරත්න නොදැවී ලකුණු 12ක් ලබා ගත්තා.

පන්දු යැවීමේ දී කුල්දීප් යාදෙව් කඩුලු 2ක් දවා ගැනීමට සමත් වුණා.තරගයේ වීරයා ලෙස සම්මානයෙන් පිදුම් ලැබුවේ ධනංජය ද සිල්වා.

ඉන්දීය තුන් ඉරියව් ක්‍රීඩක කෘනාල් පාන්ඩ්යා කොවිඩ් 19 ආසාදිතයෙකු ලෙස හදුනා ගැනීම හේතුවෙන් මෙම තරගයෙන් ඔහු සහ ඔහුගේ ආශ්‍රිතයින් වූ තවත් ක්‍රීඩකයින් 8 දෙනෙකුට ඉවත් වීමට සිදු වුණා.

ඒ අනුව කණ්ඩායම තේරීම සදහා ඉන්දීය ප්‍රධාන සංචිතයේ ඉතිරිව සිටියේ ක්‍රීඩකයින් 11 දෙනෙකු පමණයි.

සංචාරක ඉන්දීය කණ්ඩායම සහ ශ්‍රී ලංකාව අතර තුන්වන සහ අවසන් විස්සයි විස්ස තරගය හෙට (29) කොළඹ ආර් ප්‍රේමදාස ක්‍රීඩාංගණයේදී පැවැත්වීමට නියමිතයි.

ඒ අනුව තරගාවලියේ ජයග්‍රහණය සඳහා හෙට පැවැත්වෙන අවසන් තරගය දෙරටටම තීරණාත්මක තරගයක් වනු ඇති.

Sharing is caring!

Leave a Reply

Your email address will not be published. Required fields are marked *