Contact Information

Main Street, Colombo, Sri Lanka

We are available 24/7. Call Now

යාපනය – නුවර ප්‍රධාන මාර්ගයේ කිලිනොච්චිය මධ්‍ය මහා විද්‍යාලය ආසන්නයේ අද (15) උදෑසන සිදුවූ අනතුරකින් පදික මාරුව හරහා ගමන්කරමින් සිටි සිසුවියක් ජීවිතක්ෂය ට පත්ව තිබේ.

එම අනතුරින් තවත් සිසුවියක් හා සිසුවෙක් ද තුවාල ලබා රෝහල් ගතකළ බව කිලිනොච්චිය පොලීසිය පවසයි.

පාසල් දරුවන් පදික මාරුව හරහා ගමන් කරනවාත් සමඟ ලොරි රථ දෙකක් ඔවුන්ට ඉඩ දී සිටී.

අධික වේගයෙන් පැමිණි ලංකා ගමනාගමන මණ්ඩලයට අයත් බස්රථයක් ලොරිරථයක ගැටී එම ලොරිරථය ඉදිරියෙන් තිබු අනෙක් ලොරි රථයක ගැටී ඉදිරියට ඇදී යෑමෙන් අනතුර සිදුවේ.

අනතුරින් ජීවිතක්ෂයට පත්ව ඇත්තේ තිරුවාසගම් මධූසාලිනී නැමති 17 හැවිරිදි කිලිනොච්චිය මධ්‍ය මහා විද්‍යාලයේ උසස් පෙළ අංශයේ සිසුවියකි.

තුවාල ලැබු අනෙක් සිසුවියගේ හා සිසුවාගේ තත්ත්වය තරමක් බරපතළ බවත් ඔවුන් කිලිනොච්චිය දිසා රෝහලේ ප්‍රතිකාර ලබන බවත් පොලීසිය පවසයි.

ලංගම බස්රථය වවුනියාවේ සිට යාපනය දක්වා අධික වේගයෙන් ගමන්කර ඇති බවත්, රියදුරුගේ අපරික්ෂාකාරී රිය ධාවනය අනතුරට හේතුව බවත් පොලීසිය සඳහන් කරයි.

අනතුර සම්බන්ධයෙන් බස්රථයේ රියදුරු අත්අඩංගුවට ගෙන ඇති අතර, ඔහු කිලිනොච්චිය මහෙස්ත්‍රාත් අධිකරණයට ඉදිරිපත් කිරීමට නියමිතය.

අනතුර සිදුවන අවස්ථාව එම ස්ථානය අතර සවිකර තිබු CCTV කැමරාවක මෙලෙස සනිටුහන්ව තිබුණි.

Leave a Reply

Your email address will not be published.