Contact Information

Main Street, Colombo, Sri Lanka

We are available 24/7. Call Now

කෑගල්ලේ දේවාලයක් පවත්වාගෙන යන ධම්මික නැමති කපු මහතෙකු හට දෙවියෙකු විසින් කියන ලද වට්ටෝරුවකට අනුව සකසන ලද පැණිය ලබා ගැනීමට අදත් විශාල පිරිසක් ඔහුගේ නිවස අසල රැස්ව සිටියා.

මෙම පැණිය ලබා ගැනීමට නිරෝධායන නීතීන් උල්ලංඝණය කර පැමිණි පිරිස ඉවත් කිරීමට පොලිසියට දැඩි වෙහෙසක් ගැනීමට සිදු විය.

මෙම පැණිය කොරෝනාවට එරෙහි ඖෂධයක් ලෙස පළමුව හැඳින්වුවත් පසුව එය ආහාර අතිරේකයක් පමණක් බව පසුව ප්‍රකාශ කෙරුනා.

මෙම ඖෂධ පිළිබඳව පර්‍යේෂණ කඩිනම් කිරීමට අග්‍රාමාත්‍යවරයා පව උපදෙස් ලබා දී තිබියදී පර්‍යේෂණ ඉදිරියට කරගෙන යාමට අවශ්‍ය ලේඛණ ලබා දීමට මොහු තවමත් අපොහොසත් වී ඇතැයි රාජ්‍ය අමාත්‍ය සුදර්ශනී ප්‍රනාන්දුපුල්ලේ මහත්මියද පැවසූ බව රජයේ වෛද්‍යවරුන්ගේ සංගමය මින් පෙර සඳහන් කර සිටියා.

කලක් රූකඩ නටවමින්, ඩොල්කි ගසමින් සහ වඩුවැඩ කරමින් සිට පසුව කාලි වරමක් ලැබුණාය‍යි පවසමින් ‘ශ්‍රී වීර මහා භද්‍රකාලී දේවාලය’ නම් දේවාලයක් ඇරඹුවා යැයි පැවසෙන ඔහුව කරළියට ගෙන එන්නේ පුද්ගලික නාලිකාවක් මඟින්.

ඔහු සිය පැණිය ජයශ්‍රී මහා බෝධියට පූජා කිරීම සඳහා ඊයේ පැමිණ ඊටෙ ඉඩ නොලැබීමෙන් හඬ නගා අටමස්ථානාධිපති ආචාර්ය අති පූජ්‍ය පල්ලේගම ධම්මරක්ඛිත සිරිනිවාස හිමියන්හට බැන වදින අයුරු දැක්වෙන වීඩියෝවක් සමාජ මාධ්‍ය පුරා සංසරණය විය.

එමෙන්ම, වතුපිටිවල රෝහලේ හෝ ඊට අනුබද්ධිතව ක්‍රියාත්මක වන කෝවිඩ් ප්‍රතිකාර මධ්‍යස්ථානයේ “ධම්මික පැණිය” නම් ඖෂධය තමන් දැනුවත්ව අත්හදාබලා නැතිබවත්, එවැන්නකට තමන් අනුමැතියක් දී නැති බවත් වතුපිටිවල රෝහල් අධ්‍යක්ෂකවරයා “රාවය” පුවත්පත කල විමසුමකදී පැවසූ බව එම පුවත්පත වාර්තා කර තිබුණා.

මේ එම වීඩියෝ දර්ශණයි,

Share:

Leave a Reply

Your email address will not be published. Required fields are marked *