Contact Information

Main Street, Colombo, Sri Lanka

We are available 24/7. Call Now

සංචාරක ශ්‍රී ලංකා කණ්ඩායම සහ දකුණු අප්‍රිකා කණ්ඩායම අතර පැවැත්වෙන පළමු ටෙස්ට් ක්‍රිකට් තරගයේ තෙවන දිනය අද (28) නිමා වුණා.

ඒ වන විට සිය දෙවන ඉනිම ක්‍රීඩා කරමින් සිටි ශ්‍රී ලංකා කණ්ඩායම කඩුලු 2ක් දැවී ලබා සිටි ලකුණු සංඛ්‍යාව 65ක්.

දිනේෂ් චන්දිමාල් නොදැවී ලකුණු 21ක් සහ කුසල් ජනිත් නොදැවී ලකුණු 33ක් ලබා කඩුලලේ රැදී සිටිනවා.

පන්දු යැවීමේ දී ලුන්ගි එන්ගිඩී කඩුලු 2ක් බිද හෙලුවා.

සෙන්චූරියන්හි පැවැත්වෙන තරගය අද දිනට ආරම්භ කරන විට සිය පළමු ඉනිම ක්‍රිඩා කරමින් සිටි දකුණු අප්‍රිකාව කඩුලු 4ක් දැවී ලබා සිටි ලකුණු සංඛ්‍යාව 317ක්.

ඔවුන් සිය පළමු ඉනිම අද නිමා කළේ සියලු දෙනා දැවී ලකුණු 621ක් ලබා ගනිමින්.

ෆෆ් ඩු ප්ලෙසිස් ලකුණු 199ක් ලබා සිටියදී අවාසනාවන්ත ලෙස දැවී ගිය අතර, ඩීන් එල්ගර් ලකුණු 95ක් රැස් කළා.

South Africa v Sri Lanka - First Test Day 3 : News Photo
Image Source : Getty Images

ටෙම්බා බවුමා ලකුණූ 71ක් සහ ඒඩ්න් මාක්‍රම් ලකුණු 68ක් රැස් කළා.

පන්දු යැවීමේ දී වනිදු හසරංග කඩුලු 4ක් බිද හෙලූ අතර, විශ්ව ප්‍රනාන්දු කඩුලු 3ක් දවා ගත්තා.

තරගයේ පළමුවෙන් පන්දුවට පහරදුන් ශ්‍රී ලංකාව ලබා ගත් ලකුණු සංඛ්‍යාව 396ක්.

ඒ අනුව ශ්‍රී ලංකාව මේ වන විට පිටුපසින් පසුවන ලකුණු සංඛ්‍යාව 160ක්.

මේ අතර, අද දිනයේ දී ද ශ්‍රී ලංකා ක්‍රීඩකයින් තිදෙනෙකු ආබාධයන්ට ලක්විම කැපී පෙනෙන සිදුවීමක්.

ළහිරු කුමාර, වනිදු හසරංග සහ දිනේෂ් චන්දිමාල් අද දිනයේ දී මෙලෙස ආබාධවලට ලක් වූ අතර, මීට පෙර ධනංජය ද සිල්වා සහ කසුන් රාජිත ද මෙම තරගය අතරතුර දී ආබාධවලට ලක් වුණා.

CRICKET-RSA-SRI : News Photo
Image Source : Getty Images
Share:

Leave a Reply

Your email address will not be published. Required fields are marked *