Contact Information

Main Street, Colombo, Sri Lanka

We are available 24/7. Call Now

කොවිඩ් ආසාදිත සෞඛ්‍ය ඇමැතිනි පවිත්‍රා වන්නිආරච්චිගේ පළමු පෙළ ආශ්‍රිතයන් 300ක් පමණ සිටින බව සෞඛ්‍ය අංශ හඳුනාගෙන ඇත. ඇමැතිවරිය පසුගිය දින පහක කාලයේ විවිධ රැස්වීම් සහ සාකච්ඡා කිහිපයකට සහභාගිවී තිබෙනවා.

අමාත්‍යංශයේ ලේකම් වෛද්‍ය එස්.එච්.මුණසිංහ, සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන ඇතුළු වෛද්‍යවරුන් සහ ජ්‍යෙෂ්ඨ නිලධාරීන් පිරිසක් මෙම රැස්වීම්වලට සහභාගි වී තිබුණා.

තමන්​ගේ සමීපතම ආශ්‍රිතයන්ට ස්වයං නිරෝධායනය වන ලෙස ඇමැතිවරිය ඉල්ලීමක් කර ඇති බව සෞඛ්‍ය අමාත්‍යංශ ප්‍රකාශකයෙක් පැවසුවා.

කෙසේ වෙතත් ඇමැතිවරියගේ සැමියා වන කාංචන ජයරත්න සහ දියණියක්ද රැපිඩ් ඇන්ටිජන් පරීක්ෂණයකට සහ පී.සී.ආර්.පරීක්ෂණයකට ලක්කර ඇති අතර ඔවුන්ට වයිරසය ආසාදනය වී නැතැයි තහවුරු වී තිබුණා.

ඇමැතිවරියගේ රියැදුරන්ට සහ ආරක්ෂක අංශයේ සාමාජිකයන්ට වයිරසය ආසාදනය වී නැති බව තහවුරු වී ඇතැයි කී අමාත්‍යංශ ප්‍රකාශකයා සැමියා, දියණිය සහ කාර්ය මණ්ඩලයේ සියලුදෙනා නිරෝධායනයට ලක්වෙමින් සිටින බවත්, ඒ නිසා ඇමැතිවරියගේ කාර්යාලය වසා මාධ්‍ය අංශය, හෙද අංශය, විභාග අංශ වසා දමා ඇති බවත් පැවසුවා.

සෞඛ්‍ය ඇමැති පවිත්‍රා වන්නිආරච්චි පසුගිය 19 වැනිදා පාර්ලිමේන්තු රැස්වීමටද පැමිණ ඇති අතර පාර්ලිමේන්තුවේ සවි කර ඇති සී.සී.ටී.වී. කැමරා ඔස්සේ ලබා ගත් දර්ශන වේත්‍රධාරී නරේන්ද්‍ර ප්‍රනාන්දු පරීක්ෂා කර තිබෙනවා.

සෞඛ්‍ය ඇමැති පවිත්‍රා වන්නිආරච්චි කෑගල්ලේ ධම්මික බණ්ඩාර නිෂ්පාදනය කළ ‘පැණියද’ මීට මාස දෙකකට පමණ පෙර ප්‍රසිද්ධියේ පානය කළා.

ඇමැතිවරියට කොවිඩ් වයිරසය ආසාදනය වූයේ කෙසේදැයි මෙතෙක් අනාවරණය වී නැත. කෙසේ වෙතත් සෞඛ්‍ය අමාත්‍යාංශයේ හෙද ශාඛාවේ සහ විභාග ශාඛාවේ නව දෙනකුට පමණ පසුගිය සතියේ වයිරසය ආසාදනය වුණා.

අමාත්‍යාංශ ප්‍රකාශකයෙක් සඳහන් කළේ කොවිඩ් ආසාදිත වූ සෞඛ්‍ය ඇමැතිනී පවිත්‍රා වන්නිආරච්චි මේ වන විට කොග්ගල ප්‍රතිකාර මධ්‍යස්ථානයක ප්‍රතිකාර ලබන බවයි.

Share:

Leave a Reply

Your email address will not be published. Required fields are marked *