පාරිභෝගික කටයුතු අධිකාරිය කෘතීම රස කාරක තොගයක් වටලයි !

1 Min Read

ආහාර රස ගැන්වීම සඳහා භාවිතා කරන කෘත්‍රිම රස කාරක තොගයක් මරදාන ටෙක්නිකල් හන්දියේ ආහාර ගබඩාවක් වැටලීමකදී සොයාගත් බව පාරිභෝගික කටයුතු අධිකාරිය පවසනවා.

වැටලීම් බාර ජේෂ්ඨ විමර්ශන නිලධාරී බි. එස්. යු. පි. පෙරේරා මහතා පවසාසිටියේ එම ස්ථානයේ කල් ඉකුත් වූ ආහාර හා කල් ඉකුත් නොවූ ආහාර කලවමේ බෙදා හැර ඇති බවයි.

කල් ඉකුත් වූ ආහාර ද්‍රව්‍ය ගබඩා කර ඇති බවට සිදු කළ පැමිණිල්ලක් අනුව වැටලීම සිදුකර ඇති බවට වාර්තා වෙනවා.

ආහාර රස ගැන්වීම සඳහා යොදා ගන්නා කෘතිම රස කාරක 2020 හා 2021 වසර වලදි කල් ඉකුත් වූ ඒවා බවට හඳුනාගෙන තිබුණා.

විවිධ වෙළඳ ස්ථානවල අලෙවි වීමකින් තොරව කල් ඉකුත් වූ ආහාර රසගැන්වීම සඳහා භාවිතා කරන කෘතිම ආහාර රස ගන්වන ඒවා බවට පරීක්ෂණවලදී තහවුරු වු බවත් ඉදිරි සතියේදී මේ සම්බන්ධව නඩු පැවරීමට කටයුතු කරන බවත් වැටලීම සිදුකළ ජේෂ්ඨ විමර්ශන නිලධාරියා වැඩිදුරටත් පවසා සිටියා.

Share This Article
Leave a comment