Contact Information

Main Street, Colombo, Sri Lanka

We are available 24/7. Call Now

උණ වැළඳීම හේතුවෙන් කොළඹ ජාතික රෝහලට ඇතුළත් කෙරුණු දැනට රැඳවුම් භාරයේ පසු වන ගල්වැව සිරිධම්ම හිමියන්ට ඩෙංගු රෝගය වැළඳී ඇති බවට තහවුරු වී තිබෙනවා.

ජාතික රෝහලේ උසස් නිලධාරියෙකු සඳහන් කර ඇත්තේ, උන්වහන්සේ මේ වන විට නේවාසික ව ප්‍රථිකාර ලබමින් සිටින බව යි.

ත්‍රස්තවාදය වැළැක්වීමේ පනත යටතේ ගල්වැව සිරිධම්ම හිමියන් මේ වන විට දින 90ක රැඳවුම් නියෝග මත රඳවා සිටිනවා.

මේ අතර, ගල්වැව සිරිධම්ම හිමියන් රෝහල්ගත කිරීම ප්‍රමාද වූ බවට චෝදනා කරමින් විශ්වවිද්‍යාල සිසුන් පිරිසක් අද (26) ශ්‍රී ජයවර්ධනපුර විශ්වවිද්‍යාලය ඉදිරිපිට විරෝධතාවක ද නිරත වීමට සැලසුම් කර ඇති බව සඳහන්.

අන්තර් විශ්වවිද්‍යාල ශිෂ්‍ය බල මණ්ඩලය අද විශේෂ ප්‍රකාශයක් කරමින් සඳහන් කළේ ත්‍රස්ත විමර්ශනය ඒකකය භාරව සිටිය දී සතියක් පුරා දැඩි ලෙස රෝගාතුරව සිටි සිරිධම්ම හිමි කොලඹ ජාතික රෝහලට ඇතුළත් කර තිබුණු බවය.

එම කාලය පුරාම වෛද්‍යවරයෙක් වෙත උන්වහන්සේ ඉදිරිපත් නොකළ බවටත් එම බල මණ්ඩලය ප්‍රකාශ කර තිබුණේය.

උන්වහන්සේගේ සහෝදරිය විසින් පසුගිය 22 දින සිරිධම්ම හිමියන් බැලීමට ගිය අවස්ථාවේ මෙම රෝගී තත්ත්වය අනාවරණය වූ අතර ඒ පිළිබඳව නීතීඥවරු මාර්ගයෙන් කරුණු විමසීමට හෝ අවස්ථාව ලබාදුන්නේ නැති බවටත් අන්තර් විශ්වවිද්‍යාල ශිෂ්‍ය බල මණ්ඩලය චෝදනා කරන්නේය.

නීතීඥවරුන් මාර්ගයෙන් හෝ උන්වහන්සේගේ සුවදුක් විමසීමට ඇති අවස්ථාව අහුරාදැමුවේ ඇයි ද යන්න පිළිබඳව ඔවුන් ප්‍රශ්න කර ඇත.

Leave a Reply

Your email address will not be published. Required fields are marked *